மலரும் பூக்கள்

மலரும் பூக்கள் எல்லாம்

மாலைகள் ஆவதில்லை

மலர்ந்த மலர்கள் உடன்

மாலையில் அமர்வதில்லை

கட்டிய மலர்ச்சரங்கள்

விழுந்தது எந்த இடம்

மனிதனின் மீது என்றால்

அவனுக்கு பெருமை

இறைவனின் தாளில் சிலைகளின் மீது

என்றால் யாருக்கு பெருமை !

உதிரும் போது தான் பூக்கள்

வீழ்வதை உணரும் !

உயரும் போதில் மனிதன்
மறப்பது ஏன்  ?

இளைய காற்று

இதம் தேடுகையில் இளந்தென்றல் காற்று
எனை ஏதோ செய்கிறது !

எழில் காட்சி தனை விழி காணுகையில்
வானம் விந்தை அளிக்கிறது !

மேனியில் படரும் மெல்லிய காற்றில் தெள்ளிய
தேனாய் தித்திக்கிறது !

மான் விழி மங்கையின் வேல் விழி பார்வை
ஏகாந்த தன்மையை தருகிறது!

யாழினை மீட்டும் மெல்லிய விரல்கள்
பனித்துளி பட்டால் சிலிர்க்கிறதே